Suziria lehertzearekin batera hasi dira dantzan

Erabiltzailearen aurpegia Josu Artutxa Dorronsoro 2017ko mai. 13a, 18:51

Zizurkilen ere, gaur arratsaldean ospatu dute Dantzari Txiki eguna. Herrian zehar kalejira egin ondoren, Joxe Arregi plazan eskaini dute emanaldia bertara gerturatu diren ikusleen aurrean.

Eguzkiak geroz eta garrantzi handiagoa hartu badu ere, dantzatzera joan diren haurrek ezin izan dute irribarrea ahotik kendu. Suziria behin ez, bitan lehertarazi dute haurrak dantzan jarri aurretik. Gaurkoan, Villabonako Oinargi, Ibarrako Alurr, Altzoko Artea eta bertako Bukalai dantza taldeko haurren txanda izan da. Gainera, jende ugari hurbildu da etxeko txikienak oinak nola astintzen zituzten ikustera. Festa egun honekin amaitzeko, gaueko 22:00etan, Bukalai eta Alurr dantza taldeko dantzariek emanaldia eskainiko dute, herriko dantza taldeak antolatuta.

 

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!