Abiatu da aurtengo Antzerki Astea Zizurkilen. Atzo, emanaldiak abiatzeko, Ganbaran ikuskizuna eskaini zuten Atxulondo kultur etxean eta gaur Petresku bertso antzerkiaz gozatzeko aukera izango da ordu berean.
Ostegunean, berriz, herriko ikastetxeetako umeen txanda izango da. Zubimusu ikastolako eta Pedro Mari Otañoko 50 ikasle inguru ariko dira taula gainean prestatutako antzerki lanak eskaintzen.
ASTEBURU BETEA
Ostiralean Joserra Fachadoren txanda izango da Atxulondo kultur etxean. 20:00etatik aurrera Errefusa antzerkia eskainiko du. «Nork esan behar zigun, herri honetan gertatu den guztiaren ostean, hondakinen inguruan eztabaidatzen amaituko genuela», dio emanaldiaren sinopsiak.
Larunbatean, 22:30ean eta Iriarte kultur etxean, Sarean kateatuta lana emango dute. Hiru emakume ariko dira oholtza gainean, eta ikusleekin batera, terapia bati egingo diote aurre.
EGITARAUA
APIRILAK 25, ASTEARTEA
11:00. Petresku bertso antzerkia, Atxulondo kultur etxean.
APIRILAK 27, OSTEGUNA
11:00. Zizurkilgo ikastetxeetako ikasleen emanaldia Atxulondon.
APIRILAK 28, OSTIRALA
20:00. Errefusa antzezlana, Atxulondo kultur etxean, Joserra Fachado aktorearen eskutik.
APIRILAK 29, LARUNBATA
22:30. Sarean Kateatuta antzerki lana Iriarte kultur etxean, Olatz Beobide, Belen Cruz eta Amaia Lizarralde aktoreekin.