Zizurkilgo erraldoi eta buruhandien konpartsako Joakina eta Bernardak itzuli txikia egin dute trikitilarien laguntzaz Joxe Arregi plazan. Ondoren, Loatzo Musika Eskolako ikasleen txanda izan da eta besteak beste, 20. Korrikako kantua eskaini dute.
Ondoren Zirkorrika haur tailerra eta luncha izan dira. Datorren asteartean igaroko da euskararen aldeko lasterketa Zizurkilen eta hainbat eragilek hartuko du parte karreran. Gaur goizeko ekitaldian apirilaren 4an erabiltzeko petoak banatu dituzte eta eskuz esku ibili dute lekuko bat, hain zuzen, 1980ko Zizurkilgo Korrika txikirako egin zutena.