16:00etan txakurrei probak egin ondoren, Bikejourgin lasterketarekin hasi da txapelketa. Iban Vicente ibartarra izan da helmugan azkarrena, Ekaitz Erauskin hondarribiarraren aurretik. Emakumeetan beste ibartar batek irabazi du lasterketa, Izaskun Zabalak.
Bigarren lasterketa patinetakoa izan da. Eneko Agirre zizurkildarra nagusitu zaio Imanol Cid-i.
Hirugarren eta azken lasterketa txakur krosa izan da. Gipuzkoako Txapelketa jokatzen zen bertan, gainera. Gaizka Aretzaga izan da lehena helmugan. Emakumeetan ohore hori Aida Malesentzat izan da. Eskualdeko lehena Mattin Jauregi izan da, juniorretan bigarren geratu da ikaztegietarra.
Guztira 70 bat lagun aritu dira lehian gaur arratsaldean Zizurkilen, II. Mushing Txapelketan. Gerturatu diren ikusleak eguraldi hotzari aurre egin diote, baina txakurrei eta kirolariei begira gustura egon dira. Izan ere, kirol hau kurioso bezain ikusgarria da.
Sailkapen guztia: herrikrosa.eus