Goizean, mendi ibilaldia egin zuten Pedro Mari Otaño plazatik Haizetsura. 13:00etan ekitaldia egin zuten Joxe Arregi plazan; musika, olerkia eta dantzaren bidez, "torturaren egia itzaletik azalera" atera zuten ekitaldian. Ekitaldia amaitzeko, kandelak utzi zituzten tortura jasan duten guztien omenezko eskulturan. Ekitaldiaren ondoren, bazkaria egin zuten Urkamendi elkartean.
Urtemuga gogoan
Hogeita hamasei urte bete dira gaur Joxe Arregi Izagirre Espainiako poliziak egindako torturen ondorioz hil zela Carabanchelgo espetxean. Atxilotu eta bederatzi egunera hil zen Arregi, egin zizkioten torturen ondorioz.
