Goizeko 09:00etan mendi ibilaldia abiatuko da Pedro Mari Otaño plazatik Haizetsura. Ondoren, 13:00etan ekitaldia egingo da Joxe Arregi plazan eta hori bukatuta, bazkaria Urkamendi elkartean. Bazkarirako izen emateko zerrendak Atxulondo eta Iriarte jatetxeetan daude jarrita.
Urtemuga gogoan
Hogeita hamasei urte beteko dira astelehenean Joxe Arregi Izagirre Espainiako poliziak egindako torturen ondorioz hil zela Carabanchelgo espetxean. Gertakari lazgarri hori gogoan izango dute igandean Zizurkilen.
Atxilotu eta bederatzi egunera hil zen Arregi, egin zizkioten torturen ondorioz. 1981. urteko otsailaren 13a zen eta harrezkero, egun hori iristearekin batera ospatzen da Euskal Herrian Torturaren Aurkako Eguna.