Datorren otsailaren 4an Santa Ageda bezperan kantari ateratzeko taldea osatu dute Pedro Mari Otaño eskolako guraso, ikasle eta irakasleek.
Datozen egunetan egingo dituzte kantuak prestatzeko entseguak. Gimnasioan egingo dira urtarrilaren 30ean eta otsailaren 1ean, 16:45tik aurrera. Otsailaren 4ean berriz, 18:00etan Zizurkilgo plazatik abiatuko dira eta herria zeharkatuko dute eskean. Egunean bertan ere abestien letrak banatuko dira, entsegutara joan ezin dutenek bertan abestu ahal izateko.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!