Urtea Ormaiztegiko Ziklo-Kros proba irabaziz amaitu zuen Jokin Alberdik, 23 urte azpikoen maila. Prestakuntza bezala burutu zuen lasterketa zizurkildarrak, izan ere, Espainiako Txapelketa zuen buruan. Ormaiztegitik Valentziara joan zen, eta lurralde horretan, asteburuan korritu dira maila desberdinetako Espainiako lehiak. Ez da ahaztu behar iaz arte juniorretan ibili dela eskualdekoa, eta 23 urte azpikoen mailan lau urte zaharragoak ere aurkari dituela. Lasterketa aurretik faborito garbia Alacanteko Felipe Orts zen, eta ez zuen hutsik egin. Hasieratik hartu zuen aurrea Orts-ek, eta ibilbidearen erdian minutu bateko aldea ateratzen zien jarraitzaileei. Hor zen Jokin Alberdi. Azkenean, lehia eder baten ostean eta ibilbide azkar batean, hirugarren postua eskuratu zuen Samuel Gonzalezen atzetik helmugaratuz, irabazlearengandik minutu eta 46 segundora.
Espainiako Ziklo-Kros Txapelketak asteburuan korritu dira Valentzian; ibilbide oso azkarrean lehiatu dira partaideak.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!