Lehenengo saioan, ipuinen sormena landu nahi izan dute eta Idoia Barandiaranek, artzain gezurtiaren ipuina kontatu du, euskarririk gabe, soilik, txotxongilo baten laguntzaz. Ondoren, taldetan banatu eta ipuinak asmatu dituzte umeek.
Ilustrazioa, musika, bertsoak... landuko dituzte hemendik aurrerako saioetan, guraso eta herriko bertako eragileekin kontatuta eta beti ere, umeen artean irakurzaletasuna bultzatzeko asmoz.
Ipuin tartea
Liburutegian maileguak egitera animatzeko eta liburutegiaren erabilera sustatzeko, ostiralero, 17:45ean Txiki Txokoan ipuin bat kontatuko dute. Gurasoak izango dira umeei ipuinak kontatzeaz arduratuko direnak. Ostiralean egin zuten ikasturteko lehendabizikoa.