Orotara 10 aizkolari aritu ziren Leitzan, bi kana-erdiko, bi 60 ontzako eta bi oinbiko erdibitzen. Azkarrena Iker Vicente gaztea izan zen, egungo Euskal Herriko txapelduna den Atutxari, 36 segundoko tartea ateraz. Larrañagaren atzetik, Otaegik amaitu zuen, 21 minutu eta 40 segundoko denborarekin. Irazuk, berriz, zortzigarren lekuan bukatu zuen lana, egurrak 22 minutu eta 14 segundotan ebakiz.
Final handia Bilbon izango da, urriaren 23an, eta kanporaketako egin beharrekoak bikoitzak izango dira. Neurri bakoitzeko bina egur ebaki beharrean, lau erdibitu beharko dituzte. Bertan ariko da Joseba Otaegi, ahalik eta postu onena lortzeko asmoarekin.