Lahar esku-hartze psikosozialerako elkarteak eskainiko du hiru egunetan, 16:30etik 19:45era, Aiztondo Zerbitzuen Mankomunitateak martxan duen Zaintzaileak Zainduz programaren barruan.
Ikastaroan dementzia mota ezberdinak aztertuko dituzte eta sintomak zeintzuk diren azaldu. Giza jokaera eta ikuspegi konduktuala ere landuko dute eta jokaera arazo zehatzen aurrean, egoera horiek saihestu eta murrizteko moduak eta protokoloak jorratuko dituzte.
Erasokortasuna, jokaera depresiboak, agitazioa eta antsietatea, noraezeko ibilerak eta eldarnioak izan daitezke dementzia dutenek bizi izan ditzaketen egoerak eta ikastaroan horiei nola aurre egin irakatsiko dute. Suertatu daitezkeen bestelako arazo egoeren aurrean nola jokatu ere aztertuko dute.
Aduna, Alkiza, Larraul eta Zizurkilen mendekotasuna duten pertsonen zaintzaile guztiei zuzenduta dago ikastaroa eta informazio gehiagorako Aiztondo Zerbitzuen Mankomunitatera hots egin beharko da, 943 69 39 30 telefono zenbakira.