Euskal Herriko Lehen Mailako iazko txapelketako bost aizkolari onenek neurtu zituzten indarrak: Aitzol Atutxa, Iñaki Azurmendi, Mikel Larrañaga, Joseba Otaegi eta Jon Irazu.
Aizkolari bakoitzak 14 kana-erdiko ebaki behar izan zituen, eta Aitzol Atutxa egungo Euskal Herriko txapelduna izan zen lehena bere lanak amaitzen. 34 minutu eta 8 segundo behar izan zituen horretarako, eta erraz gailendu zen. Ez zuen hutsik egin eta bi minututik gorako aldea atera zion arriarandarrari. Iñaki Azurmendik 36 minutu eta 21 segundotan gelditu zuen bere denbora. Mikel Larrañagak, berriz, 39,52ko denbora egin zuen hirugarren sailkatuz.
Atzetik ziren bi zizurkildarrak. Amaieran Otaegik aurrea hartu zion Irazuri, eta 14 kanaerdikoak 46 minutu eta 15 segundotan ebaki zituen. Irazuk, gerriko minak jota eta bi enborren faltan, proba uztea erabaki zuen.