Ama Birjinaren eguna ospatzen ari dira Zizurkilen. 12:00etan, meza nagusia izan da, eta ondoren umeen pilota partidak jokatu dituzte zimiterioan. Xabi Lasak irabazi dio Ander Perurenari, 22-11. 13:00etan, Zizurkilgo plazako zuhaitz berriaren proposamenen bozketa izan da.
Arratsaldean, herritarren arteko herri kirolak jokatu dituzte. Ondoren, sagardo dastaketa izan da plazan, eta Zizurkilgo hainbat belaunalditako trikitilariak arduratu dira giroa alaitzeaz.
Gauean, berriz, bertso saioa izango da: Unai Mendizabal zizurkildarraz gain, Maialen Lujanbio, Jexux Mari Irazu, Oihana Iguaran, Jon Maia eta Amets Arzallusek kantatu beharko diete Igotz Alkortak jarritako gaiei. Gaua amaitzeko, Obaneuke taldea izango da oholtz gainean.
Bihar, Ama Birjin Bigarren eguna
Ama Birjina santu maitea dute Zizurkilen, eta bi aldiz ospatzen dute. Bihar, Ama Birjin Bigarren eguna izango da, eta honako egitaraua antolatu dute:
ABUZTUAK 16, ASTEARTEA
AMA BIRJIN BIGARREN EGUNA
12:30. Herri Kirolen erakustaldia. Harri jasotzen: Estitxu Almandoz. Aizkoran, Jon Irazu eta Iñaki Azurmendi, Joseba Otaegi eta Mikel Larrañagaren aurka.
14:00. Erretirodunen eta herri kirolarien bazkaria, trikitilariek alaituta.
16:30. Zirku tailerra haurrentzat.
18:00. Idi-probak, Plazaberrin.
Ondoren. Mozorro Gaua: gai librea.
21:00. Oilasko afaria.
Segidan. Trakets taldearekin gau pasa.