”Ekarri behar ez duzuna eta eraman behar duzuna” lelopean, objektu, denbora eta gaitasun trukea gauzatuko da azokan, goizeko 10:30tik 14:00era. Denbora Bankuaren inguruko informazioa ere emango dute.
Trukeaz gain, beste ekintza batzuk egingo dituzte. 10:30tik 12:00etara jostungintza –konponketa errazak–, “gure baitan” eta ingeleseko mintza praktika tailerrak izango dira besteak beste. 12:00etarako solasaldia antolatu dute, “Ekonomia solidario, ekologiko eta feminista” izenburuarekin. 14:00etan bukatzeko truke-bazkaria antolatu dute. Norberak eraman dezake janaria eta edaria eta elkarrekin trukatu, dastatu eta gozatzeko aukera izango da.
