Egunez egingo dituzte lanak, goizeko 08:00etaik iluntzeko 19:00etara, eta honek "trafikoan arazo handiak" sortuko dituela ohartarazi du Joxe Mari Luengo alkateak: "Zubimusu zubia itxita dagoenez arazoak eragingo ditu, baina ezin dugu gehiago itxaron eta udaletik presa sartu diegu".
Errepideko lurzoruaz gain, abiadura murrizteko neurriak ere aztertzekotan geratu da Aldundia. "Horiek izan dira Bulandegiko bizilagunen bi eskaera nagusiak eta urgenteenak", azaldu du alkateak. Udalak "pazientzia" eskatu die herritarrei, ezinbesteko lanak direlakoan.