3.000 biztanle inguru ditu Zizurkilek eta Pasusenean kokatuta zegoen herriko kutxazain bakarra. Udal gobernuaren ustez, "erabakiak zizurkildarrekiko errespetu falta handia erakusten du". Herrian dauden zerbitzuei "eustea eta horiek hobetzea" izan du helburutzat Zizurkilgo udal gobernuak eta "erabaki hau guztiz aurkako norabidean doa, Zizurkilgo komertzioa ere kaltetuz".
Azken erabakiaren aurrean EH Bilduk mozioa aurkeztuko du hurrengo udalbatzan eta era berean, elkarrizketak abiatuko ditu zuzenean Kutxabankeko arduradunekin. Kaleratutako oharrean udal gobernuak adierazi duenez, "alternatibak mahai gainean jartzeko prest gaude, eta emandako lehen urratsek erantzun baikorrik ez badute, ez dugu baztertzen bestelako erabakiak hartzea".