Bigarren eskuko azoka, azaroak 8
9:00etatik 14:00etara bitartean egongo da postuak ikusteko aukera. Edonork har dezake parte azokan, baldintza bakarra da aurrez izena ematea, 619203058 telefono-zenbakian. Euria eginez gero, azoka Pedro Mari Otaño ikastetxean egingo da.
Argazki erakusketa, azaroaren 13tik 15era
Zentroko 50. urteurrenaren inguruko argazki erakusketa izango da Iriarte Kultur Etxean, Teodoro Hernandorena Kultur Elkarteak eta Festa Batzordeak antolatuta.
Gaztain jana, azaroak 14
Afaria egingo da zentroan eta sua eta danbolina Pedro Mari Otaño plazan.
San Millan Eguna, azaroak 15
11:00etan meza egingo dute, eta ondoren trikitixa emanaldia izango da. 14:00etan bazkaria egingo da Plaza Etxeberri jatetxean.
Ipuin Lehiaketa
Teodoro Hernandorena XIV. Ipuin Lehiaketa martxan da Andoain, Aduna, Alkiza, Asteasu, Amasa-Villabona, Anoeta, Irura, Larraul eta Zizurkilgo herritarrentzat. Azaroaren 20ko eguerdiko 14:00ak baino lehen entregatu beharko dira lanak Zizurkilgo Udal Bulegoetan.
Xexili Eguna, azaroak 20
Loatzo Musika Eskolako ikasleek kalejira eskainiko dute Zizurkil goiko kaleetan zehar, 17:30etik aurrera. 18:00etan, berriz, txokolatea banatuko da musikarien artean eta instrumentuen kontzertua eskainiko dute Zimiterioan.
Tourreko lehen euskaldunari omenaldia, azaroak 27
Urkamendi Elkarteak urtero omenaldia egin izan ohi dio Frantziako Tourreko lehen txirrindulari euskaldunari. Aurten, Jonathan Castroviejo izango da omendua. 21:00etan elkartuko dira.