Ziklo kros denboraldiko lehen garaipena lortu zuen beraz asteburuan Alberdik, junior mailan.
MMR CX Team-eko txirrindulariak, Belgikan ibili ondoren, Euskal Herrian lehiatzen hasi ziren asteburuan. Zizurkildarra eta egungo Espainiako txapelduna indartsu ikusi zen Abadiñon.
Igandean, nazio arteko mailako proba jokatu zuen Karrantzan, eta bera zen faborito nagusia. Jofré Cullel-ekin batera lasterketaren buruan jarri zen Alberdi, baina zorigaiztoko eroriko bat izan zuen zizurkildarrak. Kataluinarrak ihes egin zion. Ondoren, Ivan Feijoo galiziarrak ere aurrea hartu zion Tolosaldeko txirrindulariari. Amaieran, beraz, hirugarren heldu zen helmugara.