Zizurkilgo Udaleko euskara sailak Andoain, Aduna, Alkiza, Asteasu, Amasa-Villabona, Anoeta, Irura, Larraul eta Zizurkilgo jendearen artean idazteko zaletasuna sustatu nahian antolatu du lehiaketa.
Bost mailetan banatu dute lehiaketa eta kasu guztietan Din A4 neurrian aurkeztu beharko dira lanak. Gaia librea izango da eta euskara erabili beharreko hizkuntza. Mailaz maila banatuko dira sariak epaimahai aditu batek erabakita. Atxulondo kultur etxean, abenduaren 18an egingo da ekitaldia.
Lan bakoitzaren bi kopia entregatu beharko dira azaroaren 20a bitartean Zizurkilgo udaletxean edo udal bulegoetan. Lehiaketan parte hartzeko oinarri guztiak irakurgai daude udaleko webgunean: www.zizurkil.eus helbidean.