Piritak iritsi dira itsasorik gabeko luraldera, Zizurkilera. Joxe Arregi plaza, Elbarrenako festetan murgildurik, piratez bete da gaurko goizean. Mozorro Eguna dute gaurkoa eta irudimena nagusi 'Pirata' gaia izan da aurtengo leloa. Gaztetxoenak altxorraren bila aritu dira lehenik eta marrazki tailerrean ondoren.
Plazan euskal pailazoen musikak girotze lanak egiten zituen bitartean. Haur eta gaztetxoak, baita gurasoak ere, jostari eta margoketa lanetan fin aritu dira.
Egunak, oraindik orain, beste hainbeste jarduera izango ditu festazaleentzat: herri bazkaria, asto karrera, dantzaldia Laket taldearekin, mozorro lehiaketa eta DJ Bull.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?