Udalaren web orriarekin batera, udal ordezkari eta udal langileen helbide elektronikoak ere aldatu dira. Hasiera lehengo bera da, baina amaierako luzapena @zizurkil.eus da.
Modu horretara, Zizurkilgo Udalak bat egin nahi izan du .eus domeinuaren helburuekin; hau da, "euskara eta euskal kultura sustatzea, eta euskara eta euskal kulturaren komunitatea kohesionatzea. Horrela, euskara beste hizkuntzen mailan kokatzen da, euskararen normalizazioan laguntzen da, eta euskararen herriari nazioarteko aitortza eskaintzen zaio".
Sare zabala osatzen dute dagoeneko .eus domeinua dugunok, gero eta erakunde, elkarte eta enpresa gehiagok egin baitute hautu hori. Bide batez, Zizurkilgo Udalak "oraindik urratsa egin ez dutenak animatu nahi ditu jauzia egitera".