"Bazan herri txiki bat..." eta oholtza gainean handi bihurtu zen

Tolosaldeko Ataria 2015ko mai. 17a, 16:20

Atzo taularatu zuten Bazan herri txiki bat... antzerki lana Zizurkilgo Intxaur frontoian. Ikusmin handia sortu zuen ikuskizunak goraino beteta baitzegoen pilotalekua. Amaieran publikoak txaloz eskertu zuen lanean aritu ziren herritarren hilabeteotako ahalegina.

Aurten bete dira 400 urte Zizukilek burujabetza lortu zuela eta 1615eko data horretatik gaur arteko herriaren argazkia osatu nahi izan zuten herri antzerkian. Herria osatu zeneko herri batzar bat, Pello Mari Otañok Ameriketara aldegin behar izan zuenekoa, Teodoro Hernandorenaren euskararekiko eta antzerkiarekiko gogoetak, Extremaduratik Zizurkila etorritako migranteen bizipenak... Historiako pasarte ezberdinak herritarrek interpretatuta. 

Herriko musikariek eta dantzariek parte hartu zuten ikuskizunean eta Nerea Barriola sopranoak, besteak beste, Xalbadorren heriotzean kantatu zuen.

Emanaldiaren amaieran, parte hartu zutenei eskerrak emateaz gainera, Iraitz Lizarraga zuzendari lanetan aritu den laguna eta Julian Arrastoa herritarra omendu nahi izan zituzten antolatzaileek.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!