Zizurkilgo Udalak, garai batean jubilatuen egoitza zen tokia atondu du gazteentzako. Ixaxkun Sarasola izango da hezitzaile lanetan arituko den laguna. 9 eta 11 urte arteko gazteak astearte eta ostegunetan 16:30etatik 19:30etara erabili ahal izango dute gaztelekua. 12 eta17 urte artekoak berriz, ostiraletan bilduko dira bertan 17:00etatik 20:00etara eta larunbatetan 16:30etatik 19:30etara.
Duela pare bat urte Gaztezulo gaztelekuak ateak itxi zituenetik tokirik gabe egon dira 9 urtetik 17ra bitarteko gazteak. Gaur arratsaldean, Atxulondo kultur etxearen behealdean, tabernaren ondoan zabaldu dute Gaztezulo berria. 40tik gora ume batu dira inaugurazio ekitaldian.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?
EGIN ATARIKIDE!