14 gizon-emakumek osatzen dute zerrenda, guztiak zizurkildarrak. EH Bilduk hauteskundeetara aurkeztuko duen herri programaren puntu batzuk aletu dituzte aurkezpenean. Ekitaldian hitz egin dute Joxe Mari Luengo, Maite Amenabar eta Ion Ander Esnaola zerrendako lehen hiru hautagaiek.
Eva Usandizagak, Aitor Sarasuak, Arkaitz Zalduak, Leire Zubeldiak, Izarne Ipintzak, Aritz Arrastoak, Irati Irurtzunek, Anne Albisuk, Aratz Alkortak, Nerea Lizarragak eta Alaitz Ormazabalek osatzen dute zerrenda.
Zizurkilgo EH Bilduk herri programa egiteko ekarpenak eta batzarrak egin direla azpimarratu du eta Udalean ordezkaritza lortuz gero berdin jardungo duela esan du.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!