Jokin Alberdi hamaseigarren Munduko Ziklokros Txapelketan

Asier Imaz 2015ko ots. 3a, 16:26

Urtea bikain hasi du Jokin Alberdi txirrindulari zizurkildarrak. Iragan larunbatean, Taborren jokatu zen Munduko Ziklokros Txapelketan egon zen Alberdi, juniorren mailan, eta hamaseigarren amaitu zuen proba. 

Lasterketaren zatirik handienean, lehen hamarren artean sartzeko borrokan ibili zen zizurkildarra. Amaieran, Simon Andreassen daniarrarengandik 2:21era helmugaratu zen.


Aurrez, urtarrilaren 11n, Espainiako txapeldun gelditu zen Jokin Alberdi, erakustaldia eskainiz. Animo horiekin joan da Taborrera, eta etorkizun handiko txirrindularia dela erakutsi du bertan.  Hurrengo urtean berriz aukera berri bat izango du munduko txapelketan, oraindik junior mailan.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!