Herri antzerki hori antolatzeko, Kultura Batzordeak bilera bat antolatu du, otsailaren 4an, iluntzeko 19:00etan, Atxulondo kultur etxean. Era berean, bertan parte hartzeko deia luzatu dute antolatzaileek. Antzezleak, musikariak, dantzariak, diseinatzaileak, margolariak, arotzak… eta, oro har, herri antzerki horretan ekarpenen bat egin nahi duten guztiak daude gonbidatuta bilerara.
2015ean 400 urte beteko dira Zizurkil herri gisa sortu zela eta Tolosarengandik banatu zela. Hori dela eta, herri antzerki bat antolatu nahi dute, Maiatza Saltsaneko egitarauaren baitan, Zizurkilen sorrerari lotutako gertaerak irudikatzeko.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!