Gipuzkoako Korrika Batzordeak Gipuzkoako III. Mus Txapelketa antolatu du 19. Korrikaren ekitaldi sortaren barruan. Txapelketa otsailean zehar jokatuko da, eta finala otsailaren 28an izango da Astigarragan, 17:00etatik aurrera.
Finala iritsi bitarte, dena den, eskualdez eskualdeko kanporaketak jokatuko dira, eta Tolosaldeari dagokionez hitzordua otsailaren 6an izango da Zizurkilgo Urkamendi elkartean. 21:30ean hasiko da eskualdeko kanporaketa, eta bikote irabazleak otordu bat irabaziko du Hernialdeko Elketa jatetxean, eta baita, noski, Astigarragako finalean parte hartzeko txartela. Bigarren egiten duen bikoteak Korrikako bi elastiko eramango ditu etxera.
Mus Txapelketan parte hartu nahi dutenek 943 59 17 04 telefono zenbakira deitu behar dute, eta bikoteko 12 euro ordaindu behar dira. 19. Korrika martxoaren 19tik 29ra izango da eta Tolosaldetik martxoaren 21ean eta 22an pasako da.