Inaugurazio ekitaldian Joxe Mari Luengo alkatearekin eta Aratz Alkorta Kirol zinegotziarekin batera, Gipuzkoako Futbol Federazioko Patxi Gabilondo idazkaria eta Juan Luis Larrea lehendakaria egon dira, Aperribai bera, eta baita Danena futbol zelaiko eta taldeko izen esanguratsuak ere. Udalak azken hauek omendu nahi izan ditu eta oroigarriak banatu dizkie Danenako lehendakari izandako Patxi Alkorta eta urte askotan taldeko idazkari nagusi izandako Juanjo Puyadenaren senideei, urteetan Danenan aritutako eta gaur egun lehendakari den Manuel Gonzalezi, eta baita futbol zelaiaren proiektuan buru-belarri aritu den, eta entrenatzaile zein eragile den Joseba Iturriari ere.
Oroigarriak banatuta eta agurra dantzatuta inauguratu dute futbol zelai berritua. Ondoren, Danenan aritutako beteranoen futbol partida jokatu dute.