Atzo hasi zen Zizurkilgo Kirol Astea, eta ekitaldi nagusietako bat gaur izan da. Aurtengoan herriko kirolariek aukeratu dute zein den zizurkildar kirolari onena eta Jokin Alberdi txirrindulari gaztea aukeratu dute. Udalak oroigarria eman dio Atxulondo kultur etxearen kanpoan. Omenaldia baino lehenago haur eta gazteek bizikleta ginkana izan dute Joxe Arregi plazan. ![]()
Bihar ere izango da Kirol Asteaz gozatzeko aukera. Goizean jokoak egongo dira haurrentzat Intxaur frontoian, eta 15:00etan IX. Emakume Pilotari pala txapelketako 7. jardunaldia egingo dute Intxaurren. Ondoren, 15:45ean, Lehen Erregionaleko Danena KE-Ordizia partida ikusi ahal izango da, eta 18:00etan inauguratuko dute Danena belar artifizialeko futbol zelai berritua. Ondoren, Danenan jokatutako beteranoen arteko partida ikusi ahal izango da. Gauean krosak egongo dira.
Igandean amaituko da Kirol Astea. Goizean IV. Pilota Txapelketak finalak egongo dira Intxaurren, eta 16:30ean zinta gainean ibiltzeko tailerra egingo dute Pedro Mari Otaño ikastetxeko frontoian. 17:00etan Flow Balance elkarteko kideek erakustaldia egingo dute, eta ondoren jarraituko du tailerrak.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!
