Zizurkilgo Azoka Berezia igandean ospatuko dela aprobetxatuz argazki erakusketa antolatu du Teodoro Hernandorena Kultur Elkarteak. Pasa den urtean emakume baserritarrak protagonista ziren argazki zaharren erakusketa egin zen eta aurten, Zizurkilgo baserrien argazki zaharrak ikusgai jarriko dituzte.
Zizurkilgo Udalaren webgunean ikusgai dago herriko baserrien argazki zaharren bilduma zabala eta bertan jasotako argazki ederrenak aukeratu dira jendeari kultur etxeko erakusketan aurkezteko.
Erakusketa gaur inauguratuko dute 19:00etan. Inaugurazio ekitaldian, herriko auzoen banaketaren inguruko azalpena emango dute Teodoro Hernandorena elkartekoek.
Auzoetan banatuta
Herriko auzoen arabera sailkatu ditu kultur elkarteak erakusketako argazkiak. Honela, Zizurkil Goiko helbideak sakabanatua izenpean egon beharrean auzoka banatzea proposatzen dute elkartekoek, historikoki egin izan den moduan. Herriko toponimia berreskuratu eta jaso nahi dute kultur elkartekoek.
Teodoro Hernandorena kultur elkartekoek baserri zaharren argazkien erakusketa antolatu dute.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!