Erdia baino gehiago ihartuta dago eta karga gehiena alde batean du. Lehen neurri gisa, datozen egunetan, zuhaitzari karga kentzeko adarrak moztuko dizkiote Udal langileek. Horrela, arriskua ekidingo da.
Zuhaitz berria
Teknikariekin aztertuta, zuhaitz berria aldatzeko garai onena datorren udaberri aurrea dela ondorioztatu da. Zein zuhaitz aldatu herritarrek erabakitzea da udalaren asmoa: dauden aukerak mahai gainean jarri eta zizurkildarrak izan daitezela erabakiko dutenak. Urte amaiera aldera egingo da erabakitze prozesua. Zuhaitz zaharra bota eta berria aldatzearekin batera berrituko da P.M. Otaño plazako zorua, beraz datorren urtera arte atzeratuko dira lan horiek, zuhaitza ateratzeko zulo handia egin beharra dagoelako.