Uztailaren 20a bitarte 18 eta 30 urte bitarteko ikasleak ari dira parte hartzen 'Gerra Zibila 1936-1937: erresistentziaren oroimena eta aztarnen bila' auzolandegian. 1936ko abuztuan eta irailean matxinada frankistari aurre egiteko erresistentziako antolakuntza eta liskarrak egon ziren Tolosaldean. Hauen arrastoak Aduna, Asteasu eta Zizurkil inguruko mendietan aurkitu daitezke, eta horiek azalaratzen ari dira lanean auzolandegiko ikasleak. Zehazki, inguruko mendietako lubaki batzuren garbiketa eta indusketa eta garaiko dokumentazio historikoaren lanketa egiten ari dira, eta baita pertsonen testigantzak jasotzen ere. Era berean, arratsaldeetan, irteerak eta hitzaldiak egiten ari dira.
Hitzaldi horietako bat da hain justu, ostiralean Zizurkilgo Atxulondon entzun ahal izango dena. Karlos Almorza izango da hizlaria 19:00etatik aurrera.