Ubare auzoan aparkatzeko sistema berri bat jarriko du Zizurkilgo Udalak bertako bizilagunekin akordio batetara iritsi ondoren. Bi aparkaleku mota egongo dira auzoan: Egoiliarrentzako erreserbatutako aparkalekuak, eta denbora mugatuko aparkalekuak. Bigarren honetan denek aparkatu ahal izango dute, baina denbora epe mugatu baterako bakarrik. Egoiliarrentzako aparkalekuetan autoa uzteko aldiz, urteko kuota baten truke egoiliar txartela eskuratzen dutenek aparkatu ahalko dute. Sistema martxan jartzeko, Udalak gutxi gorabehera jakin behar du zenbat plaza erreserbatu behar diren. Horretarako, egoiliar txartela eskuratzeko interesa duen zizurkildar orok izena eman beharko du hilaren 15a baino lehen, udaletxean edo Aurrera plazako udal bulegoetan.
Egoilar txartela eskuratzeko ezinbestekoa izango da zirkulazio zerga Zizurkilen bertan ordaintzea.