Basque Culinary Centerrek gastronomiaren mundua gogoko duten 15 eta 17 urte bitarteko gazteentzat antolatutako udalekuetan 20 gazte ari dira gastronomiaren sekretuak ikasten. Basque Culinary Centerreko irakasle eta chef Aitzol Zugaztik eta zenbait monitorek lagunduta, sukaldaritzaren munduarekin lotutako lantegi praktiko, irteera eta bisitaldiak egingo dituzte. Gaur hasi dira eta uztaialren 9a arte egongo dira bertan.
Eguneroko zereginetan, gonbidatutako chefen eskutik, errezeta tradizionalak, sukaldaritza berritzaileko teknikak, sukaldari ospetsuekin praktikak, bisitaldiak, irteera interesgarriak eta denbora libreko jarduerak izango dituzte.
Horrez gain, baratzezaintzan, abeltzaintzan edo hegazti-hazkuntzan adituak diren Itxasmendikoi Fraisoro Nekazaritza Eskolako irakasleak produktuarekin zerikusia duten irakasgaiez arduratuko dira. Bestalde, nutrizioaren eta dietetikaren arloko adituek ere hartuko dute parte, eta taldearekin lan egingo duten monitoreek garapen pertsonaleko gaitasunak landuko dituzte: talde-lana, naturarekiko errespetua eta sormena.
Horiek horrela, besteren artean, Tolosako azoka bisitatzera joango dira eta bertan erosketak egingo dituzte, sukaldari aditu batek lagunduta.