Zizurkilgo Pedro Mari Otaño, San Millan eta Ikastolako ikasleek, Eskolako Agenda 21 proiektuaren barruan egin dituzten lanak aurkeztu dituzte gaur udaletxean. Energia Jasangarria aritu dira eta ari dira lantzen aurtengo ikasturtean, eta horren harira, proiektu berri bati ekin diote: gabonetako apaingarri jasangarriak egiteari.
Proiektu honen helburua "denon artean herriko eta inguruko energia kontsumoa jaitsi eta gutxiago kutsatzea da" adierazi dute parte-hartzaileek, eta helburu horretara bidean, Zizurkilgo ikasleek ondorengo proposamenak egin dizkiote Zizurkilgo Udalari:
- Herriko argiteria egokitzea: kontsumo baxuko bonbilak jarri, argia beherantz zuzendu eta gauean ordu batetik aurrera farola batzuk itzaltzea.
- Eraikin publikoetan berogailua behar ez denean itzaltzea.
- Auto elektrikoen erabilera sustatu: erosi eta alokariuan jarri.
Udalak, bestalde, adierazi du zenbait ekimen –kontsumo baxuko bonbilak jartzea besteak hondatu ahala, edo berogailuen kontrola– abian direla jada, eta gainontzeko proposamenak aztertzekotan geratu da.
