Zizurkilgo patchwork ikastaroko ikasleen erakusketa zabalik izango da asteazkenetik larunbata bitartean Atxulondo kultur etxean. Inaugurazioa hilaren 15ean izango da, 18:00etan, eta 20:00ak arte bertan izango dira ikastaroko partaideak. Euren lana erakutsiko dute eta norbaitek patchwork egiten probatu nahi badu, aukera izango du horretarako.
Erakusketa ikusgai izango da ostegunean eta ostiralean 11:00etatik 13:00etara eta 16:00etatik 20:00etara. Larunbatean goizez egongo da zabalik.
Zumba eta sabel dantza ikastaroak Bi ikastarotan izena emateko aukera dago hilaren 20a arte. Zumba ikastaroa urtarrilaren 28tik apirilaren 10era da. Astearteetan eta ostegunetan, 19:30etik 20:30era da, eta 60 euro balio du. Sabel dantza hilaren 13an hasi zen eta ekaina bitarte da. Astelehenetan 19:00etatik 20:30era da eta 90 euro balio du.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!