Zizurkilgo Urkamendi Elkarteak urteroko ohiturari eusten dio. Tourreko sailkapen orokorreko lehen euskaldunari omenaldia egingo diote, eta aurten, ohore hori Mikel Nievek irabazi du. Omenaldia azaroaren 22an, ostiralean, izango da, 20:30etik aurrera.
Ekitaldian hainbat gonbidatu izango dira, txirrindulariak, bertsolariak eta trikitilariak besteak beste, festa borobiltzeko asmoz. Zerrenda horretan, Amets Txurruka, David Lopez, Mikel Astarloza, David Etxeberria, Ane Santesteban, Alex Aranburu eta Igor Sasiainen izenak agertzen dira. Bertsotan Lizaso eta Telleria ariko dira, eta trikitixarekin, Xapre eta Totxo.