Udalak ontziak jaso ez dituzten herritarrei Aurrera Plazako udal bulegotik pasatzeko deia egin die
Ia hilabete pasa da Zizurkilen atez ateko hondakin bilketa martxan jarri zutenetik. Egun guzti hauetan, herritarrek ontziak jasotzeko aukera izan dute, baina oraindik batzuek ez dituzte birziklapenerako erabili behar dituzten ontziak hartu.
Hori dela eta, Zizurkilgo Udalak herritarrei dei egin die Aurrera Plazan dauden udal bulegoetatik pasa eta dagozkien edukiontziak jasotzeko. Gaur, aurreko egun guztietan egin moduan, 15:00etatik 19:00etara egongo da aukera. Azken egun gisa, ordea, larunbatean ere banaketa egitea erabaki da udalak.
Kasu honetan, goizez 10:00etatik 14:00etara eta arratsaldez 16:00etatik 20:00etara egongo dira ontziak banatzen. Udalak, ontzien banaketa dohakoa dela argitu du.