Gipuzkoako Motozaleak elkar hartu eta janari bilketa solidarioa egiten ari dira. Ekainaren 15a bitarte ariko dira horretan, eta Zizurkilgo Udalak bat egin du ekimenarekin. Erosketak egiterakoan kilo bat janari beharrean daudenentzat bideratzea eskatu dute motozaleek. Eurek, ekainaren 16an, bildutako janari guztia Gipuzkoako Janari Bankuari emango diote.
Janari bilketa sustatzeko hamaika arrazoi zehaztu dituzte motozaleen elkartetik: «Gosearen aurka, beharra duten familien alde, oheratu aurretik baso bat esne ere ez daukaten haurren alde, hilabete bukaerara iristerik ez duten adinduen alde...».