Oihane Mateos izan dute gogoan

Igarondo Igeriketa Bazkunako kideek abuztuan hil zen Oihane Mateos Oria omendu dute Tolosako Usabalgo igerilekuan. Familiari aitortza egin diote hasteko, eta ondoren, igeriketa taldekoek taldekako erreleboak egin dituzte.

Oihane Mateos Oria gogoan izan dute gaur Tolosan. Igarondo Igeriketa Bazkunako kideek omenaldi berezia antolatu dute, abuztuan hil zen igerilari eta entrenatzaile ohia omentzeko. Ekitaldia Usabal kiroldegiko igerilekuan egin dute, eta herritar ugari gerturatu dira senideei babesa emateko.

Mateosek lotura estua izan zuen igeriketarekin txikitatik. Igarondoko igerilaria izan zen urte luzez, eta, gerora, entrenatzaile lanetan ere aritu zen. Azken urteotan, gainera, Tolosaldea Igeriketa Master taldeko kide izan zen.

Ekitaldian senideei harrera egin diote lehenik, eta tartean Agurra dantzatu eta lore sortak oparitu dizkie. Isilune bat ere egin dute, eta ondoren, igeriketa taldeko kideek hitz batzuk esan dituzte Mateosen omenez. Hori amaituta, igeriketa taldeko parte-hartzaileek taldekako erreleboak egin dituzte igerilekuan.

ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?


EGIN ATARIKIDE!