Zer dakar biharkoak?

Tolosaldeko Ataria

Biharko ATARIA astekariko protagonista izango da Arantxa Iturbe idazle eta irrati esataria. Kutxa Fundazioaren Ibilbide Saria gaur jasoko duen arren, argi du ez dela horregatik aldatuko haren egunerokoa: Euskadi Irratiko mikrofonoaren aurrean izango da, Arratsean saioa egiten. Lau hamarkadako ibilbideari begiratuta, bokazioaz, kazetaritzaz, euskaraz, literaturaz eta sarien esanahiaz hitz egin du, baina, batez ere, ofizioarekiko duen arduraz eta maitasunaz. Izan ere, 40 urte baino gehiago igaro baditu ere, aitortu du oraindik ere errespetua ematen diola mikrofonoak.

Ondorengoak ere topatuko dituzu biharko astekarian:

  • Arrate Iturberen iritzi-zutabea:
    • Udazkeneko hostoen agurra.
  • Virginia Ameztoi artisauari elkarrizketa:
    • «Leku fisiko bat behar nuen jendeak nire lanaren atzean zer dagoen ikus dezan».
  • Josu Lopez-Gazpioren Zientziaren Talaia:
    • Oporrei buruzko hausnarketa zientifikoa.
  • Maddi Etxeberriaren bertsoa:
    • Txapelketaren sukarra.
  • Bonberenea argitaratzea doan 'Pirritx, Porrotx, Marimotots Bonbereneak maite zaituzte' diskoa aitzakia hartuta, erreportajea:
    • Bonbereneak pailazoak maite dituenean.
  • Asteburuko kultur agenda.
  • Iker Ibarluzearen asteburuko eguraldi iragarpena.

ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?


EGIN ATARIKIDE!