Ostiralean, ezker hormako finalak izan ziren Donostiako Atano III.a pilotalekuan. Kadeteen lehen mailan, Eizagirre-Labaka bikoteak 12-22 galdu zuen Hernaniko Galdos-Zabala bikotearen aurka; jubenilen lehen mailan, berriz, Illarramendi-Otaegi bikoak 17-22 galdu zuen Hernaniko Oses-Zugasti bikoaren aurka.
Larunbatean, Irurako Ametsa trinketean, trinketako eskuz binakako nagusien bigarren mailako finala jokatu zuen Izagirre-Zufiria bikoteak. Alde handiarekin irabazi zieten Zestoako Abantzu klubeko Alonsok eta Odriozolak: 13-40.