ELA, LAB, ESK, Steilas, Etxalde eta Hiru sindikatuek, Euskal Herriko Etxebizitza Sindikatuen Sareak eta Etxebizitza Sindikatu Sozialistak greba orokorra deitu dute azaroaren 11rako, besteak beste, etxebizitza-eskubidearen alde. Greba hori antolatzeko etxebizitza asanbladak antolatu ditu Etxebizitza Sindikatu Sozialistak, eta Tolosaldean gaur eta bihar egingo dituzte lehenak bost herritan.
Hain zuzen, gaur arratsaldean bilduko dira Zizurkilgo Atxulondo kultur etxean eta Ibarrako Txontxon, hurrenez hurren, 18:00etan eta 19:00etan. Bihar, berriz, Anoetako Lasarbe aretoan eta Tolosako Plaza Berrian izango dira etxebizitza asanbladak, biak ala biak, 11:00etan. Alegian, berriz, datorren larunbaterako egin dute deialdia, eta 11:00etan elkartuko dira, herriko zinean.