Anoetako eta Irurako udalek Mugikorraren Erabileraren Helduentzako Gida Praktikoa argitaratu dute elkarlanean. Adingabeen artean telefono mugikorraren erabilerak gero eta kezka handiagoa sortzen duenez, gaiari heltzea erabaki dute bi udalek.
Argitalpen honen helburua da familiei orientazioa, tresna erabilgarriak eta gomendioak ematea. «Adinak baino, heldutasunak eta erabilera egokiak garrantzi handiagoa dute», aipatu dute udal arduradunek.
Gidan, besteak beste, egungo egoera eta beste herrialde batzuetan hartzen ari diren neurriak jaso dira; horrekin batera, adituen iritziak bildu dituzte lehen mugikorra noiz eman erabakitzeko. Teknologia haurren garapen prozesuarekin nola uztartu eta gehiegizko erabilerak ekar ditzakeen ondorioak zein erabilera motak ere aztertzen dituzte bertan. Azkenik, etxean arauak adosteko gakoak, eta 6 eta 18 urte bitarteko urratsak eta irizpideak ere jaso dituzte.
Gida honako esteka honetan kontsultatu daiteke.