Arratsaldean, ez da aldaketa handirik izango: zaparradek jarraituko dute, baina euri gutxiago egingo du. Mendebal/ipar-mendebaldeko haize bizia ibiliko da. Tenperaturak behera egingo du, eta gehienez 15-16 gradu izango ditugu.
Bihar hodeitsu hasiko da eguna, eta goizeko lehen orduetan euri tantaren bat egin dezake. Hala ere, goiz samar atertuko du, eta pixkanaka ostarteak zabalduko dira; giro atsegina nagusituko da. Arratsaldean ere antzeko giroa izango dugu: hodeiak eta ostarteak tartekatuko dira, eta eguraldi atsegina egingo du. Hego-mendebaldeko haizea nagusituko da. Tenperaturak gora egingo du, eta gehienez 17-18 gradu izango ditugu.