Arratsaldeko lehen orduak ederrak izango dira, baina arratsalde erditik aurrera eta mendebaldetik hasita erdi eta goi-mailako hodeiak ugarituko dira. Hala ere, ez da euririk espero. Goizean haizea aldakor ibiliko da, arratsaldean ipar-mendebaldetik finkatuz. Tenperaturak gora egingo du, eta 15-17 gradu harrapatuko ditu.
Bihar, goizean zehar sartuko den fronte batek zeru estalia utziko du, eta goizean zehar euritara joko du. Zaparradek ez dute indar handirik izango eta ez da litro askorik espero, baina tarteka bizi botako du. Arratsaldeko lehen ordutik aurrera pixkanaka atertzera egingo du, azken orduetan atertu eta lasai amaituko da eguna. Ipar-mendebaldeko haizeak joko du eta tenperaturak behera egingo du, 14-15 gradu harrapatuz.