Arratsaldean, bereziki azken orduetan, zaparradak bakanagoak eta ahulagoak izango dira, baina ez du atertzera egingo. Haizeak ipar-ipar-ekialdetik joko du bizi, tarteka bolada zakarrekin. Tenperaturak behera egingo du, eta 17-18 gradura iritsiko dira termometroak.
Bihar hodei dezente izango dira zeruan goizean, baina, tantaren bat edo zaparrada bakarturen bat salbu, ateri egongo da, eta giroa lasaia izango da. Goizean zehar, gainera, ostarteak zabaltzen joango dira. Arratsaldean, hodeiak eta ostarteak tartekatuko dira, eta giro lasaia eta atsegina nagusituko da. Haizeak ipar-ekialdetik jotzen jarraituko du, baina indar gutxiagorekin. Tenperaturak behera egingo du, eta 14-16 gradu ingurukoak izango dira maximoak.