Nesketan, Mirari Maqueda zizurkildarra izan zen txapeldun, 178,93 puntu eskuratuta. Nahia Santxez taldekide billabonarra izan zen bigarren, eta Miren Itsaso irundarra hirugarren.
Mutiletan, Zarautz KE taldeko Alex Balenciaga izan zen onena, 326,12 punturekin. Danok Danenako Mohamed Reda zizurkildarra eta Unai Mesa billabonarra bigarren eta hirugarren izan ziren, hurrenez hurren.
Ander Rodriguez eta Eneko Mesa Danok Danenako kide gazteenek esperientzia eta lehiaketako erritmoa pilatzeko baliatu zuten lehiaketa, urriaren 24an Oviedon jokatuko den 15 urtez azpiko Espainiako Txapelketara begira.
Argazkiak: Mikel Rodriguez / Danok Danena.