Arratsaldean aldiz, pixkanaka zaparradak ahuldu eta gutxitu egingo dira, baina ez du atertuko. Haizeak ipar-mendebaldetik joko du goizean eta iparraldetik arratsaldean. Tenperaturak behera egin eta gehienez 15-17 gradu harrapatuko ditu.
Bihar hodeitsu hasiko da eguna eta oraindik han-hemenka euri pixka bat egingo du. Hala ere, oso euri gutxi botako du eta aterruneak luzeak izango dira. Eguerditik aurrera erabat ateri egongo da eta ostarteak irekitzen joango dira, egunaren bigarren zatia polita izanik. Haizeak goizean iparraldetik joko du eta arratsaldean ipar-ekialdera egingo du. Tenperaturak gora egingo du, 17-19 gradu harrapatuz.