Bi aita-seme bikote heldu ziren finalera, eta lehia estu baten ondoren, Ereñotzuko Aner eta Ibon Minerrek lortu zuten garaipena. Amasa-Villabonako Joxe Mari eta Ander Etxebeste txapeldunorde izan ziren; 3,5-2,5 izan zen emaitza. Final-laurdenetan, 4-1 irabazi zioten Etxebestetarrek Juan Mari Iñurritegi eta Juan Pedro Agirrek osatutako bikoteari. Eta finalerdietan, 3-2 irabazi zien Itoiz Alustizak eta Egoitz Berasategik osatutako bikoteari.
Eskualdeko beste bi bikotek ere parte hartu zuten. Ramon eta Saigots Iglesias aita-seme ibartarrek 2-3 galdu zuten final-laurdenetako kanporaketa, hain justu, Alustiza-Berasategi bikotearen aurka. Amasa-Villabonako Eñaut Galarragak eta Imanol Arretxek ere 2-3 galdu zuten final-laurdenetan, Gorka eta Iñaki Maizek osatutako bikotearen aurka.
